Zergatik?

Aditu ugariren arabera, eskola-eraikinaren eta ingurunearen ezaugarri arkitektonikoek eragin zuzena dute ikasle eta irakasleen emozioetan, praktika pedagogikoa baldintzatuz, eta hezkuntza-komunitateko kideen arteko erlazioetan eraginez.

E3 Hibridazketak

ESKOLATIK HIRIRA, HIRITIK ESKOLARA
ELKARSORKUNTZARAKO DIZIPLINARTEKO ELKARRIZKETAK

Ingurune hezitzaileak, nondik nora?

Zer gertatzen da eskolako mugak desagertzen direnean? Zer da eskola espazio fisikorik gabe? Zein funtzio bete beharko luke eskolak ziurgabetasunaren aroan?

Eskola-Inguruneak Eraldatzeko Bidea

Arkitektura, pedagogia, artea eta jolasa uztartuz, ikasle, irakasle,  familia, auzokide zein  diziplina ezberdinetako adituekin elkarlanean, eraldaketarako bideak eraikitzeko solasaldiak abiatu nahi dira,  sorkuntza-prozesu berritzaileak esperimentatuz eta eskolaren inguruko gogoetarako lan-tresnak sortuz.

Bitartekaritza

Eusko Jaurlaritzako Kultura eta Hizkuntza Politika sailaren babesarekin, nondik Arkitektura eta Hezkuntza-Ikerkuntza estudioak diseinatu eta sustatutako ekimena da E3 Proiektua.

Helburuak

1. Eskola espazioen eta transmititzen dituzten balioen arteko erlazioa aztertzea, ikuspegi anitzak aintzakotzat hartuz, ziurgabetasunaren aurrean, eskola inguruneetan sortutako esperientziak, ikaskuntzak, beldurrak eta ametsak identifikatzeko.

2. Ikas-irakas helburuetatik haratago, eskola-espazioek hiri-sarean betetzen duten funtzioaren inguruan gogoetatzea, diziplinarteko sorkuntza prozesu baten bidez, ziurgabetasunaren aroan elkarbizitza eta elkarsorkuntzarako, eskola-eremuek eskaintzen dituzten aukerak arakatzeko.

3. Ikastetxeko inguruneak birpentsatu, birformulatu eta eraldatzeko baliabide didaktikoak eskaintzea, praktika sortzaileen bidez, esperientziak partekatuz eta diziplina ezberdinak batuz, elkarlanean, lan-tresna sortzaile, etiko eta jasangarriak sortzeko.

4. Ikasleak eskolarekiko duten identitate-erlazio espaziala lantzea, kulturartekotasuna, aniztasuna eta genero berdintasuna ardatz izanik, guztiontzat egokiak diren ezaugarri arkitektonikoak identifikatzeko.

Eskola bizia

E3 Hibridazketak proiektuaren bidez, diziplinarteto sorkuntzatik abiatuta, eskola eta hiriaren artean gogoetatzea bilatzen da,  post-covid eskola-inguruneek bereizketa eta urruntzeak gainditu, eta elkargune izaten jarrai dezaten. Eskola-fisikoak hiri sarean eta gizartean duen papera balioan jarri nahi da, kultura eta artea hizpide, balio inklusibo eta hezitzaileak gizarteratzeko eskaintzen dituen aukerak arakatuz.

Diziplinarteko Hausnarketa eta Diseinu Prozesuaren Egituraketa

2020/2021 ikasturtearekin batera,  aurreko edizioetan bizi eta ikasitakoak landu eta berriro ere gizartera itzultze aldera, ziurgabetasunaren aroko eskolaren inguruko gogoeta ikuspegi anitzago eta zabalago batekin egin nahi da, alor ezberdinetako aditu eta profesionalakekin eta hezkuntza-komunitatearekin. 

Diziplina anitzetatik abiatutako elkarrizketen bidez, eskola ardatz, jolasa, hiria eta hezkuntza uztartuko dira, elkarsorkuntzarako modu berriak arakatuz eta horiek dokumentatuz. Hala, hiru geldiune nagusi izango ditu proiektuak: (1) ikerketa kolektiboa, (2) diziplinarteko gogoeta eta (3) baliabide didaktikoen sorkuntza:

IKERKETA

Behaketa eta informazio jasoketa

Hezkuntza-komunitatea ikerketa kolektiboaren erdigunean egongo da. EAEko eskola guztietako ikasle, irakasle, langile eta familiei pandemia ondorengo eskolaren gainean galdetuko zaie, beldurrak, ametsak, esperientziak eta ikaskuntzak jasotzea bilatuko delarik.

DIZIPLINARTEKO GOGOETA

Eskola-espazioek hiri-sarean jokatzen duten paperaren inguruan hausnartzea bilatzen den edizio honetan, garrantzia berezia izango du eskolatik abiatutako galderak, diziplina anitzetara eraman eta erantzunen arteko hibridazioak sortzeak. Horretarako, ikuspuntu ezberdinak eskolara begira jarriko dira, podcast eta bideo-pilula forma hartuko duten diziplina ezberdinen arteko solasaldi eta sorkuntza-proposamen anitzen bidez. Arkitekturatik eta pedagogiatik haratago, arte-sorkuntzatik, ikus-entzunezkoetatik, zinematik, musikatik, antropologiatik edota soziologiatik aztertuko dira hezkuntza-inguruneak.

DIZIPLINARTEKO SORKUNTZA

Aurretiko ibilbideen arteko interakzioetatik ikasi eta jasotakoekin, diziplinarteko lan-taldean, eskola-espazioak birpentsatu eta birformulatzeko lan-tresnak sortu nahi dira: ariketa-sortzaileak izango direnak. Baliabide didaktiko modura, hezkuntza-komunitateari egingo zaion itzulera izango da.

Parte-hartze deialdiak

2020/21 IKASTURTEA

“E3 Hibridazketak” ezina ekinez egiteko proiektuaren edizio berri honetan ere, amaierako emaitza edo produktu fisiko baten gauzatzea baino, hausnarketa-prozesua eta bertan bizi eta sortutakoetan jarriko da arreta.  Hezkuntza-komunitatea erdigunean, arkitektura eta pedagogiatik alor ezberdinetarako saltoa emango da oraingoan ere, besteak beste soziologoak, antropologoak eta diziplina anitzetako artistak prozesura ekarriz. Ikerketa, hausnarketa eta diseinu prozesua jarri nahi dira martxan, bidean sortutako gogoeta, ideia eta proposamen oro, berriro ere hezkuntza-komunitatearen bidez, gizartera hedatzeko.

Eskola-komunitateak

EAEKO EDOZEIN ESKOLETAKO IKASLE, IRAKASLE, LANGILE ZEIN GURASORI ZUZENDURIKO DIAGNOSI-PROZESUA.

Artista – Sortzaileak

DEIALDI IREKIA: ESKOLA-ESPAZIO ESPEZIFIKO BATETIK ABIATUTA, ETA HEZKUNTZA-KOMUNITATEAREKIN ELKARLANEAN, PANDEMIA ONDORENGO ESKOLAREN INGURUKO GOGOETA UTOPIKOAK JASOTZEN DITUEN BIDEO LABURRA DISEINATU ETA GARATZEKO 3 ARTISTA EDO SORTZAILE BILATZEN DIRA.

E3 PROIEKTUA AURREKO IKASTURTEETAN

E3 ezina ekinez egiteko proiektuak lau urteko ibilbidea du.  2016/17 ikasturtean jarri zen martxan lehenengo aldiz, eta egoera ezberdinetara egokituz, aditu-profesional anitzekin elkarlanean, hezkuntza-zentro ezberdinetan garatu da: Amezketako Herri Eskola (Amezketa), Aranbizkarra Ikastola (Gasteiz), Odon de Apraiz Ikastola (Gasteiz), Mariturri Ikastetxea (Gasteiz), Egibide Ikastetxea (Gasteiz), Betiko Ikastola (Leioa). Prozesu ezberdinetan parte-hartu duten artista eta aditu-profesional ezberdinak honakoak izan dira: Amaia Santamaria, Mikel Manzanos, Amaia Etxabe, Leire Aranburu, Leyre Cano, Oihana Leunda, Irantzu Lekue, Ana Mombriedo eta Julia Goula.

Arkitektura, pedagogia, hezkidetza eta sorkuntza artistikoa hizpide, prozesu bidezko ikaskuntza kolektiboa izan da orain arteko bidea, hezkuntza-komunitatearen eta profesional ezberdinetik sortutakoa. Baliabide hauen bidez, orain arteko ibilbidearen aztarnak dokumentatu nahi izan dira:

2018/19 ikasturteko edizioaren liburuxka

2018/19an burututako bi esku-hartze artistikoen laburpen-bideoa

2019/20 ikasturteko edizioaren liburuxka

2019/20an burututako prozesuaren laburpen bideoa

  • Experiencia 16

  • Esperientzia 13

  • Esperientzia 12

  • Esperientzia 11

  • Esperientzia 10

  • Esperientzia 9

  • Esperientzia 8

  • Esperientzia 7

Azken berriak

Zertan ari gara?

  • ESKOLA ETA ESPAZIOA II

    Urtarrilaren 25an, Ospatuko Dugu Gasteizko Europa Biltzar Jauregian E3 Ezina Ekinez Egiteko Proiektuaren “ESKOLA-INGURUNE HEZITZAILE ETA INKLUSIBOEN BILA” Itxiera Ekitaldia.
     2019/20 ikasturteko edizio honetan […]

  • Hausnarketa

    Behin hiru ikastetxeak ezagututa eta beharrezko informazioa jasota abenduaren 10ean E3 Ezina Ekinez Egiteko proiektuko aditu taldea bildu da. Elkarrekin hausnarketa sakona […]

  • Artefaktu instalazioa

    E3 Ezina Ekinez Egiteko proiektuko artistek (Amaia Santamaria eta Mikel Manzanos) tramankulu baten diseinua garatu dute. Honen bitartez, pertsona-ingurugiro interkazioa bilatu da, […]

  • Ikastetxe bisita

    Disziplinarteko profesional taldea E3 Ezina Ekinez Egiteko proiektuan parte hartzen duten hiru ikastetxeetan egon da. Guraso, irakasle zein zuzendaritza kideen laguntzarekin ikastetxeekiko […]

Kontaktua

Jarri gurekin harremanetan

Hemen ere bai

Helbidea

Martxoak 8 Hiribidea, 14, 1B bulegoa
01002 Vitoria-Gasteiz

Telefonoa

945306226